साहित्य
मटण- १ किलो
कांदे-७-८
सुक्या खोबर्याचा किस-१ वाटी
धने- २ चमचे
मिरी-७-८
लवंग ४-५
दालचीनी-१ इंच
खसखस-१ चमचा
बडीशेप-१ चमचा
जायफळ पावडर-पाव चमचा
आले, लसूण, कोथिम्बिर आणि हिरवी मिरचीचे वाटण- मट्णाला फासण्यासाठी
धने-मिरचीचा सारस्वती मसाला-२ चमचे
सुक्या मिरच्या -३-४
कृति
मटण नीट धुवून घ्यावे। त्याला हळद आणि हिरवे वाटण लावून १०-१५ मिनिटे ठेवावे । कुकरमधे व्यवस्थित शिजवावे । ४ कांदे बारीक़ चिरून तेलावर फोडणीला घालावे। साधारण रंग बदलला की त्यावर शिजलेले मटण घालावे । थोड़े गरम पाणी घालावे। झाकण ठेवून मध्यम गँसवर शिजत ठेवावे।
दुसऱ्या बाजूला तव्यावर थोड्या तेलात लवंग,दालचीनी,धने,मिरी,खसखस ,बडीशेप,जायफळ भाजून घ्यावे ते झाल्यावर त्याच तेलात सुक्या मिरच्या, २-३ उभे चिरलेले कांदे ,सुके खोबरे खरपूस भाजून घ्यावे। आणि सर्व मिक्सरवर बारीक़ वाटावे।
हे वाटण शिजत असलेल्या मटणावर घालावे । वरून सारस्वत मसाला घालावा। चांगले शिजल्यावर मीठ घालावे.
गरम भाकरी आणि मटण आणि लिम्बाची फोड़ । झककास .
